مەودا میدیا-

بارەگای بارزانی روونکردنەوەیەک بڵاودەکاتەوە و باس لەوە دەکات لە ژمارەیەك میدیای عیراقی و كوردستانی هەواڵێكی ناڕاست بڵاو كراوەتەوە كە گوایە سەید موقتەدا سەدر وەڵامی پەیوەندییەكانی  مەسعود بارزانی ناداتەوە

دەقی روونکردنەوەکە:
روونكردنەوەیەك لە بارەگای بارزانییەوە

لە ژمارەیەك میدیای عیراقی و كوردستانی هەواڵێكی ناڕاست بڵاو كراوەتەوە كە گوایە سەید موقتەدا سەدر وەڵامی پەیوەندییەكانی مەسعود  بارزانی ناداتەوە. 

لێرەدا بۆ رای گشتیی عیراق و كوردستان روونی دەكەینەوە كە ئەو بابەتە هیچ بنەمایەكی نیە و دوورە لە راستی. لەنێوان مەسعود بارزانی و سەید موقتەدا سەدر ئەو پەڕی رێزگرتن و متمانە و پەیوەندیی زۆر باش هەیە. ئەوانەشی ئەم جۆرە دەنگۆیانە بڵاودەكەنەوە ئامانجیان داپۆشینی شكست و دواكەوتنیانە لە پرۆسەی سیاسی.

 ئەگەر لە ماوەی رابردوودا ئاماژەیەكیش بۆ كەمبوونی جموجۆڵی سیاسی هەبووبێت ئەوە لەبەر ڕەچاوكردنی مانگی پیرۆزی رەمەزان بووە.

بارەگای بارزانی

٢٩ـی نیسانی ٢٠٢٢