مەودا میدیا-

ئەندامێکی لیژنەی دارایی لە پەرلەمانی کوردستان دەڵێت "هەفتەی داهاتوو مووچەی مانگی چوار دابەشدەکرێت".

هێڤیدار ئەحمەد، ئەندامی لیژنەی دارایی لە پەرلەمانی کوردستان لە فراکسیۆنی پارتی لە پەڕەی تایبەتی خۆی لە تۆڕی کۆمەڵایەتیی فەیسبووک نووسیویەتی "ئیشەڵا هەفتەی داهاتوو مووچەی مانگی چوار دابەشدەکرێت".

ئەوە لەکاتێکدایە تائێستا دابەشکردنی مووچەی مانگی سێ کۆتایی نەهاتووە و چەند وەزارەت و دەستەیەک ماون مووچەی مانگی سێ وەربگرن.

بۆ دابەشکردنی مووچەی فەرمانبەران حکومەتی هەرێمی کوردستان پشت بە داهاتی ناوخۆ، پارەی نەوتی فرۆشراو، هاوکاری هاوپەیمانان و ئەو بڕە پەرەیەی لە بەغداوە دێت دەبەستێت.

ر. ئ.