مەودا میدیا-

جێگرى سه‌رۆكى حكومه‌تى هه‌رێمی کوردستان فه‌رمانیكرد بكوژى رووداوه‌كه‌ى قەزای چه‌مچه‌ماڵ و ئه‌وانه‌ش له‌ پشتیه‌وه‌ بوون له‌هه‌ر پله‌وپۆستێك بن ده‌ستگیربكرێن.

قوباد تاڵه‌بانى، جێگرى سه‌رۆكى حكومه‌تى هه‌رێمی کوردستان رایگه‌یاند "هەموو هێزە ئەمنییەکانى راسپاردووە بە زووترین کات بکوژی ئەندامانی خێزانەکەی چەمچەماڵ، بەهەر شێوەیەک بێت، دەستگیر بکەن. نەک تەنها خۆی، بەڵکو جەختیش دەکاته‌وه‌ هەر کەس و لایەنێک لەهەر پلە و پایەیەکدا بێت داڵدە و هاوکاری تۆمەتبار بدات وەک بەشداریکردن لەو تاوانە قێزەونە حیسابیان بۆ دەکرێت".

ئاماژەی بەوەشکرد "زۆر بە داخەوە لە یەکەم رۆژی جەژنی رەمەزانی پیرۆزدا بە هەواڵێکی وا قێزەون و دڕندانە رۆژ دەکەینەوە، پرسە و سەرەخۆشی ئاراستەی هەموو دانیشتوانی چەمچەماڵ و بە تایبەتیش کەسوکاری قوربانیانی ئەم رووداوە دڵتەزێنە دەکات".

ئه‌مرۆ دووشەممە 2ی ئایاری 2022 له‌ قه‌زاى چه‌مچه‌ماڵ هاولاتیه‌yك هه‌ڵیكوتایه‌ سه‌ر ماڵى خه‌زورى و پێنج كه‌سى لێ كوشتن كه‌ پێكهاتبوون له‌ دایكێك و دوو كچ و كوڕو كوڕه‌زایه‌كى.

س.ر