مەودا میدیا-

ئەمڕۆ چوارشەممە 4ی ئایاری 2022 هێزێکی دیکەی عیراقی برانە قەزای شنگال و فەرماندەیەی هێزەکە دەڵێت "هیچ زیانێکی مادی و گیانی  بە هاوڵاتییانی مەدەنی شنگال نەکەوتووە".

لیوا عەبدولئەمیر شەمەری، جێگری فەرماندەی ئۆپەراسیۆنە هاوبەشەکانی نەینەوا رایگەیاندووە "ئێمە بەشێوەیەکی پیشەییانە مامەڵەمان لەگەڵ رووداوەکاندا کردووە و  سەرجەم رێگەکانی شنگال کراونەتەوە، هیچ زیانێکی گیانی و مادی بەر هاوڵاتییانی مەدەنی نەکەوتووە".

ئەو فەرماندەیە ئاماژەی بەوەشکرد "هێزەکانمان لە ناحیەی سنونێ جێگیرکراون بۆ گەڕانەوەی ئاوارەکانی شنگال و دروستکردنی کەشێکی ئارام  و ئاسایش بۆیان".

س.ر