مەودا میدیا-

ناوەند و راگەیاندن و چاپەمەنی هێزەکانی پاراستنی گەل - هەپەگە کوژرانی 14 سەربازی سوپای تورکیای راگەیاند و ئاماژەی بەوەشکردووە سێ سەنگەر تێکشکێنراون.

ئەمڕۆ چوارشەممە 4ی ئایاری 2022 ناوەند و راگەیاندن و چاپەمەنی هێزەکانی پاراستنی گەل - هەپەگە رایگەیاند "لە دژی هێرشە داگیرکارییەکانی دەوڵەتی تورکیای داگیر بەرخودانی مێژوویی هێزەکانمان بەردەوامە". 

ئاماژە بەوەکراوە "هێزەکانمان بە تاکتیکەکانی گەریلای پڕۆفیشناڵی سەردەمی نوێ، بە رێبازی شەری تیمی گەڕۆک و بە بەکارهێنانی سەنگەرەکانی شەڕ بێ پسانەوە چالاکی ئەنجام دەدەن، لە چالاکییەکانی تیمەکانی گەریلامان کە بە پێشەنگایەتی یەژەئاستار ئەنجامدراون 14 داگیرکەر سزادراون، سێ سەنگەر تێکشکێنراون و گورز لە سەنگەرێک وەشینراوە".

س.ر