مەودا میدیا-

حەشدی شەعبی هەوڵێکی چەکدارانی داعشیان بۆ دەستبەسەرداگرتنی ناحیەی سەجر لە قەزای فەلوجە شکستپێهێناوە و دواتر چەکدارەکان هەڵهاتوون.

بەگوێرەی راگەیەندراوێکی دەستەی حەشدی شەعبی، داعش دۆخی کەشوهەواو و خۆڵبارینی قۆزتووەتەوە و هێرشیکردووە بۆ کۆنترۆڵکردنی شارەدێی سەجر، بەڵام حەشدی شەعبی شکستی بە هێرشەکە هێناوە.

دەستەی حەشدی شەعبی دەشڵێت "بە هەوڵی هێزەکانمان توانراوە هەوڵەکە شکستپێبهێنرێت و دواتر چەکدارەکان هەڵبێن، لەو کاتەشەوە گەڕان بەدوای چەکدارە هەڵهاتووەکان دەستیپێکردووە".

هاوکات شەوی رابردوو هێزەکانی حەشدی شەعبی بڵاویانکردەوە لە سنووری ناحیەی سەعدییە لە پارێزگای دیالە هێرشێکی گروپی چەکدارانی داعشیان تێکشکاندووە.

ر. ئ.