مەودا میدیا-

کەشناسیی هەرێم رایگەیاند، بەپێی پێشبینییەکان دوای نیوەڕۆی ئەمڕۆ شەپۆلێکی باران بارین ھەرێم دەگرێتەوە.

بەڕێوەبەرایەتیی گشتیی کەشناسی و بوومەلەرزەزانی ھەرێمی کوردستان رایگەیاند، پێشبینی دەکرێت ئەمڕۆ ئاسمانی ھەرێم نیمچە ھەور بێت و ھەندێک کات بگۆڕێت بۆ ھەوری تەواو لە گەڵ بارینی نمەبارانی بچڕ بچڕ و ھەندێک جار ھەورە بروسکەشی لەگەڵ دەبێت.

ئاماژەی بەوەشکردووە، لەکاتەکانی دوای نیوەڕۆوە ئەگەری تاوەبارانی بەلێزمە ھەیە لە ناوچە شاخاوییەکانی دھۆک و ھەولێر و راپەرین، خێرایی با چالاک دەبێت.

باسی لەوەشکردووە، شەپولێکی خۆڵبارینیش ناوەڕاستی عیراق دەگرێتەوە و ئەگەر ھەیە کاریگەری لە سەر باشووری ھەولێر و کەرکوک و ناوچەکانی گەرمیانیش ھەبێت، بەڵام لە دوای نیوەڕۆوە کاریگەری تۆز و خۆڵەکە کەم دەبێتەوە.

ر. ئ.