مەودا میدیا-

لە چاوپێکەوتنێکی تەلەفزیۆنیدا سه‌رۆكی ده‌سته‌ی وه‌به‌رهێنان رایگەیاند، به‌ فه‌رمانی سه‌رۆكی حكومه‌تی هه‌رێمی كوردستان 20 هه‌زار یه‌كه‌ی نیشته‌جێبوون بۆ كرێچییه‌كان دروست ده‌كرێن.

ئەمڕۆ سێشەممە محه‌مه‌د شوكری، سه‌رۆكی ده‌سته‌ی وه‌به‌رهێنانی هەرێمی کوردستان لە چاوپێکەوتنێکدا لەگەڵ کەناڵی كوردستان 24 رایگه‌یاند "به‌ فه‌رمانی مه‌سرور بارزانی، سه‌رۆكی حكومه‌تی هه‌رێمی كوردستان بڕیاردرا 20 هه‌زار یه‌كه‌ی نیشته‌جێبوون بۆ كرێچییان و كه‌مده‌رامه‌تان دروست بكرێن".

محەمەد شوکری دەشڵێت "20 هه‌زار یه‌كه‌ی نیشته‌جێبوون بۆ كرێچیان و كه‌مده‌رامه‌تان دروست ده‌كرێن و ته‌واوی پارێزگاكان و ئیداره‌ سه‌ربه‌خۆكان ده‌گرێته‌وه‌ و پێوه‌ری باشتر رێك ده‌خه‌ین، بۆ ئه‌وه‌ی زۆرترین كرێچی لێوه‌ی سوودمه‌ندبن".

سه‌رۆكی ده‌سته‌ی وه‌به‌رهێنان ئاماژەی بەوەشکرد "ئه‌م پرۆژه‌یه‌ هه‌موو پارێزگاكانی هه‌رێمی كوردستان و ته‌واوی ئیداره‌ سه‌ربه‌خۆكان ده‌گرێته‌وه‌، به‌ بڕه‌ پاره‌یه‌كی كه‌م و قیستیكی درێژخایه‌ن به‌ كرێچیان ده‌درێت".

ر. ئ.