مەودا میدیا-

پۆلیسى سلێمانى رایگەیاند، چوار تۆمەتباریان دەستگیركردووە كە هەڵیانكوتابووە سەر هاوڵاتییەك و پارەیان لێسەندبوو.  

  

بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی هاوڵاتییەك سكاڵای لە پۆلیسی سلێمانی تۆماركرد كە چوار ژن هەڵیانكوتاوەتە سەری و بەزۆر پارەیان لێسەندووە، بەڕێوەبەری پۆلیسی پارێزگای سلێمانی سەرجەم بەش و بنكەكانی سنووری پارێزگای سلێمانی راسپارد كە بەدواداچوونی بەپەلە بكەن بۆ دۆزینەوەو دەستگیركردنی تۆمەتباران.  

  

باسی لەوەشکردووە، دوای بەدواداچوون و لێكۆڵینەوەكانی پۆلیس، سەرەنجام توانرا لەماوەی كەمتر لە 24 کاتژمێردا سەرجەم تۆمەتباران كە چوار ژنن دەستگیربكرێن و دانیان ناوە بەتاوانەكەیاندا.  

  

ئاماژەی بەوەشکردووە لەئێستادا تۆمەتباران (ش. أ. ف.   لەدایكبووی  1998، ه. ز. ب.  لەدایكبووی 2000، ز. ح. ت.  لەدایكبووی  1999، ك. ح. ت.  لەدایكبووی  1991) بەبڕیاری دادوەر راگیراون و لێكۆڵینەوە لەگەڵیان بەردەوامە.  

ر. ئ.