مەودا میدیا-

به‌‌ڕێوه‌به‌رایه‌تیی گشتیی كه‌شناسی و بوومه‌له‌رزه‌زانی هه‌رێمی کوردستان پێشبینییەکانی كه‌شوهه‌وای ئه‌مڕۆ هەینی 13ی ئایار و سبەینێ شەممە 14ی ئایاری 2022ی شارەکانی هەرێمی كوردستانی بڵاوكرده‌وه‌.

بەپێی پێشبینییەکانی کەشناسیی هەرێمی کوردستان بێت، بۆ ئەمڕۆ هەینی ئاسمانی شارەکانی کوردستان پەڵەهەور و نیمچە هەور دەبێت و لە هەندێک ناوچەش ئاسمان ساماڵە، پلەکانی گەرماش لەنێوان 26 بۆ 30 پلەدا دەبێت.

هەر بەپێی پێشبینییەکان، سبەینێ شەممە ئاسمانی ناوچەکانی هەرێمی کوردستان ئاسمان ساماڵ و پەڵە هەور دەبێت، پلەکانی گەرماش لەنێوان 28 بۆ 33 پلەدا دەبێت.

س.ر