مەودا میدیا-

کەشناسیی هەرێم پێشبینییەکانی بۆ ئەمڕۆ و سبەینێ بڵاوکردەوە و رایگەیاند، بۆ ئەمڕۆ جگە لە دھۆک، لە ھەموو پارێزگاکانی دیکەی ھەرێمی کوردستان خۆڵبارین دەبێت.

لە راگەیەندراوێکدا بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان ئاماژەی بەوەکردووە "ئەمڕۆ لە زۆربەی شارەکانی هەرێم ئاسمان لەنێوان ساماڵ و  نیمچە هەور دەبێت لەگەڵ بوونی تۆزخۆڵێکی بەهێز لەکاتەکانی ئیوارە کاریگەری کەمدەبێتەوە".

ئاماژەی بەوەشکردووە "سبەینێ لە پارێزگاکانی ھەرێمی کوردستان شەپۆلی خۆڵبارینەکە کاریگەرییەکانی نامێنێت و ئاسمان لەنێوان ساماڵ و نیمچە ھەور دەبێت".

شەپۆلێکی چڕی خۆڵبارین پارێزگاکانی عیراق و چەند ناوچەیەکی ھەرێمی گرتووەتەوە، بەھۆیەوە سەدان کەس رەوانەی نەخۆشخانەکان کراون و دەوام لە چەند پارێزگایەکیش راگیرا.

ر. ئ.