مەودا میدیا- سازگار ئەحمەد

ئێوارەی ئەمڕۆ پێنجشەممە نرخی سەرجەم جۆرەکانی بەنزین بڕی 50 دینار بەرزبووەوە و هۆکاری بەرزبوونەوەکەنەش بۆ کەمی سوتەمەنی دەگەڕێتەوە.

چۆمان کەریم، خاوەنی بەنزینخانەی چۆمان لە سلێمانی بە مەودا میدیای راگەیاند "ئێوارەی ئەمڕۆ پێنجشەممە 19ی ئایاری 2022 نرخی سەرجەم جۆرەکانی بەنزین واتە، نۆرماڵ و سوپەر و موحەسەن 50 دینار بەرزبووەوە".

لەبارەی هۆکاری بەرزبوونەوەکەی وتی "کەمی سوتەمەنی و نەهاتنی بەنزین لە وڵاتانی دراوسێ و باشی کوالێتییەکەی بووەتە هۆکاری بەرزبوونەوەی نرخی بەنزین".

بەم گۆڕانکارییەش نرخی بەنزینی نۆرماڵ دەبێتە 950 دینار، بەنزینی موحەسەن دەبێتە 1075 دینار, بەنزینی سوپەریش دەبێتە 1150 دینار.

س.ر