مەودا میدیا-

رێکخراوی هەنگاو رایگەیاند، لە ماوەی مانگێکدا 39 کۆڵبەر و کاسبکاری کورد لە سنوورەکانی رۆژهەڵاتی کوردستان گیانیان لەدەستداوە و برینداربوون.

بەگوێرەی راپۆرتێکی رێکخراوی ھەنگاو بۆ مافەکانی مرۆڤ، لە 21ی نیسانی رابردووەوە، دوو کۆڵبەر لە سنوورەکانی رۆژهەڵاتی کوردستان گیانیان لەدەستداوە و 37ی  دیکەش برینداربوون.

رێکخراوی هەنگاو جەخیش دەکاتەوە کە "29 کۆڵبەریان بە تەقەی راستەوخۆی ھێزە ئەمنییەکانی ئێران برینداربوون".

ساڵانە دەیان کۆڵبەر و کاسبکاری کورد لە سنوورەکانی نێوان ھەرێم و رۆژهەڵاتی کوردستان دەبنە قوربانی و ساڵی رابردووش، 54 کۆڵبەر لەو سنوورانە کوژران و نزیکەی 170ی دیکەش برینداربوون.

ر. ئ.