مەودا میدیا- سەباح خضر 

ڤینیسیوسی بەرازیلی و یاریزانی یانەی ریال مەدریدی ئیسپانی دەیەوێت لە یانەکەی بمێنێتەوە و گرێبەستەکەی نوێ بکاتەوە.

ڤینیسیوس جونیورز گرێبەستەکەی لە ساڵی 2024 کۆتایی دێت، بەڵام ئەو یاریزانە دەیەوێت بۆندەکەی تا ساڵی 2027 نوێ بکاتەوە.

لە لێدوانێکیدا بۆ رۆژنامەی مارکای ئیسپانی ئەو یاریزانە ئەوەی خستۆتەڕوو: ئارەزوو دەکەم لە یانەی ریال مەدرید بەردەوام بم، چونکە باشترین یانەی جیهانە.

ڤینیسیوس ئەوەشی ووتوە: لە هەڵبژاردەی بەرازیل لە پێگەیەکی پێشکەوتووت و باشدا یاری دەکەم، تیتی راهێنەر هەمیشە داوا دەکات زۆر هێرش بکەین.

لەکۆتایی قسەکانیدا ڤینیسیوس ئەوەشی ئاشکراکرد: تیتی و  کارلۆ ئەنچیلۆتی یەکتریان خۆش دەوێت و ڕاستەوخۆ قسە دەکەن بەیەکەوە.