مەودا میدیا-

کەشناسیی هەرێم پێشبینییەکانی رەوشی کەشوهەوای ئەمڕۆ و سبەینێی بڵاکردووە و رایگەیاند، ئەمڕۆ ئاسمان ساماڵ و پەڵە هەور دەبێت, لەگەڵ بوونى تۆزێکی سووک ، لەکاتەکانی ئێوارەدا کاریگەریەکەی نامێنێت.

لە راگەیەندراوێکدا بەڕێوەبەرایەتیی گشتیی کەشناسی و بومەلەرزەزانی هەرێمی کوردستان رایگەیاند "ئەمڕۆ ئاسمان ساماڵ و پەڵە هەور دەبێت، لەگەڵ بوونى تۆزێکی سووک، لەکاتەکانی ئێوارەدا کاریگەریەکەی نامێنێت".

ئاماژەی بەوەشکردووە "سبەینێ هەینیش ئاسمان بەگشتیی ساماڵ دەبێت لەگەڵ بوونی هەندێک پەڵە هەور".

 بەرزترین پلەی گەرمای پێشبینیکراویش بۆ ئەمڕۆ: هەولێر 37 پلە، دهۆک  35 پلە, سلێمانی 36 پلە, کەرکوک 39 پلە، هەرچی هەڵەبجەش 38 پلەی سیلیزی دەبێت.

ر. ئ.