مەودا میدیا-

میوە و سەوزەکان بە گشتی سوودی هەیە بۆ تەندروستیی لەشی مرۆڤ، چونکە بەدووردەبێت لە نەخۆشییە مەترسیدارەکان، هەر بەپێی توێژینەوە زانستییەکان دەرکەوتووە ترێ یەکێکە لە میوە بەسوودەکان بەرگریی لەش بەهێز دەکات دژی نەخۆشییە درێژخایەن و مەترسیدارەکان.

شێرپەنجە؛ ترێ بڕێکی زۆر پێکهاتەی دژە ئۆکسانی تێدایە کە ناسراوە بە (بۆلیفینۆل) دژی جۆرەکانی نەخۆشی شێرپەنجەیە، وەک پرۆستات، منداڵدان، پەنکریاس، دەم و زۆری دیکە.

نەخۆشیەکانی دڵ؛ یەکێک لە سوودەکانی ترێ رێژەی (بۆلیفینۆل) بەرزدەکاتەوە، کە بەرپرسە لە کەمکردنەوەی مەترسییەکان بۆ سەر دڵ و خوێنبەرەکان، کەمکردنەوەی پەستانی خوێن و هەوکردنی لەش.

پەستانی خوێن؛ ترێ بڕێکی زۆر پۆتاسیۆمی تێدایە، سوودی زۆری بۆ لەش هەیە و دەبێتەهۆی کەمکردنەوەی تووشبوونت بە نەخۆشی پەستانی خوێن.

قەبزی؛ ترێ بەسوودە بۆ ئەو کەسانەی تووشی قەبزی دەبن، چونکە رێژەی زۆر ئاوی تێدایە و ریخۆڵە چالاک دەکات و مادەی ریشاڵی تێدایە، کە زۆر بەسوودە بۆ نەهێشتنی قەبزی.

ر. ئ