کوردستانی
فهرمانبهران دووباره بهسهر وهزارهتهكان دابهشدهكرێنهوه
مەودا میدیا - سلێمانی |
مەودا میدیا-
جێگری سەرۆك وەزیران سەرپەرشتی كۆبوونەوەیەكی كرد تایبەت بە ئەنجومەنی راژەی فەرمانبەرانی حكومەتی ھەرێم و تیایدا پەیکەری ئەنجومەنەکە پەسەندکرا.
جێگری سەرۆك وەزیران سەرپەرشتی كۆبوونەوەیەكی كرد تایبەت بە ئەنجومەنی راژەی فەرمانبەرانی حكومەتی ھەرێم و تیایدا پەیکەری ئەنجومەنەکە پەسەندکرا.
لە كۆبوونەوەكەی قوباد تاڵەبانی، جێگری سەرۆك وەزیرانی هەرێمی كوردستان كە ئەمڕۆ لە هەولێر بەڕێوەچوو، ھەریەكە لە رێباز حەملان، یاریدەدەری سەرۆكی حكومەت بۆ کاروباری ئەنجومەنی باڵای وەبەرھێنان و ئەنجومەنی گشتی راژە و ئومێد سەباح، سەرۆكی دیوانی سەرۆكایەتیی ئەنجومەنی وەزیران ئامادەیبوون، هەڵسەنگاندن کرا بۆ بڕیارەکانی کۆبوونەوەی پێشوو، لەگەڵ جێبەجێکردنی بڕیار و راسپاردەکان.
بەپێی راگەیەندراوێكی كۆبوونەوەكە، گفتوگۆكرا لەبارەی چۆنییەتی کار و رۆڵی ئەنجومەنی گشتیی راژە و رێکخستنەوەی میلاکات، ئاماژە بەوەشکرا کە یەکێک لە ئامانجەکانی ئەم ئەنجومەنە پەرەپێدانی ژێرخانی حکومەتە لە پرسی رێکخستنەوەی میلاکات و درێژەپێدانی ریفۆرمی ئیداری و رێکخستنی پلەبەندی راژەی فەرمانبەران لە کەرتی گشتی بەپێی پێویستی و پسپۆڕییان و دیاریکردنی پلە و وەسفی وەزیفی فەرمانبەران لەناو دامەزراوەکانی حکومەت پشتبەست بە میلاكاتی ئەلیكترۆنی کە بڕیارە دروستبکرێت.
لە كۆبوونەوەدا جەختكرایەوە کە لەڕێی ئەنجومەنی راژەوە کاربکرێت لەسەر چۆنییەتیی راگرتنی ھاوسەنگیی كارگێڕی و رێکخستنەوەی ھەیكەلیەت و دووبارە دابەشکردنەوەی فەرمانبەران بەسەر وەزارەت و دامودەزگاکانی حکومەتی هەرێمی کوردستان بەشێوەیەکی زانستی و گونجاوتر.
ر. ئ