مەودا میدیا- سازگار ئەحمەد 

دوانیوەڕۆی ئەمڕۆ چوارشەممە 20ی تەموزی 2022 تورکیا بۆردوومانی گوندی پەرەخی کرد کە دەکەوێتە ناحیەی دەرکاری سنووری ئیدارەی زاخۆ و شوێنێکی گەشتیارییە، لە ئەنجامی بۆردوومانەکە شەهید و بریندار هەیە.

دڵشێر عەبدولستار، بەڕێوەبەری ناحیەی دەركاری سەر بە ئیدارەی سەربەخۆی زاخۆ بە مەودا میدیای رایگه‌یاند "هێزەکانی تورکیا تۆپبارانی گوندی پەرەخی سەر بە ناحیەی دەرکاریان کردووە و لە ئەنجامدا چوار کەس شەهیدبوون و زیاتر لە 20 کەسی دیکەش برینداربوون".

ئاماژەی بەوەشکرد "ئەو کەسانەی شەهید و بریندابوون گەشتیاری عەرەبن و بە مەبەستی گەشتکردن لەوێبوون، لەئێستادا بۆردوومانەکە کۆتایی هاتووە و بریندارەکان بۆ نەخۆشخانە دەگوازرێنەوە و تەرمەکانیش دەبرێن بۆ پزیشکی داد".

س.ر