مەودا میدیا-

 سەرۆكی حكومەتی هەرێمی كوردستان بە سەرۆكایەتیی شاندێكی حكومی گەیشتە بەغدا و بڕیارە لەگەڵ سه‌رۆك وه‌زیران و بەرپرسانی باڵای دیکەی عیراق کۆببێتەوە.

مەسرور بارزانی، سەرۆكی حكومەتی هەرێمی كوردستان ئەمڕۆ شەممە 23ی تەمموزی 2022، بە سەرۆكایەتیی شاندێكی حكومی به‌ ئامانجی گه‌یشتن به‌ چاره‌سه‌رێك بۆ كێشه‌ هه‌ڵپه‌سێردراوه‌كانی نێوان هه‌رێم و حكومه‌تی فیدراڵ بەرەو بەغدا بەڕێكەوت.

سەرۆکی حکومەت له‌ سه‌ردانه‌كه‌یدا، لەگەڵ سه‌رۆك وه‌زیرانی فیدراڵ مسته‌فا كازمی و بەرپرسانی باڵای دیکەی عیراق کۆدەبێتەوە.

ئامانجی سەردانەکە، گفتوگۆکردنە لەپێناو گەیشتن بە چارەسەرێک بۆ کێشە هەڵپەسێردراوەکانی نێوان هەرێمی کوردستان و حکومەتی فیدراڵ لە سەر بنەمای دەستوور، بەتایبەتی دۆسیەی نەوت و گاز.

ر. ئ