مەودا میدیا-

بەڕێوەبەرایەتیی پۆلیسی هەولێر دەستگیرکردنی تۆمەتبارێکی راگەیاند کە تۆمەتبارە بە دزیکرد لە هاوڵاتییەک، تۆمەتبارەکەش خەڵکی بەنگلادیشە.

لە راگەیەندراوەکەی پۆلیسی هەولێردا هاتووە "بەشی پۆلیسی نەهێشتنی تاوان نووسینگەی رۆژهەڵات، دوای ئاگادارکردنەوەیان کەوا لە ناوچەی پیشەسازی باکوور بڕی (20 هەزار دۆلار) لە هاوڵاتییەک دزراوە، دەستبەجێ دەستیان بە لێکۆڵینەوە کرد و توانییان بە ماوەیەکی کەم شوێنی تۆمەتبارەکە بدۆزنەوە و دەستگیری بکەن".

ئاماژە بەوەکراوە "تۆمەتباری ئەنجامدەری تاوانەکە کە خەڵکی بەنگلادیشە و ناوی (م. ن. ح)ە بە بڕیاری بەڕێز دادوەری لێکۆڵینەوە و بەپێی مادەی (446) لە یاسای سزادان راگیرا".

س.ر