مەودا میدیا- رێبین ئەشرەف 

وتەبێژی جێگری سەرۆک وەزیرانی هەرێمی کوردستان رایدەگەینێت، پارەی نەختینە تەرخانکرا بۆ مووچە و سبەینێ مووچەی مانگی شەشی مامۆستایانی زانکۆ و مووچەی مانگی پێنجی مامۆستایانی وانەبێژ و دەرماڵەی خوێندکاران بۆ مانگی چوار خەرج دەکرێت.

سەمیر هەورامی، وتەبێژی جێگری سەرۆک وەزیرانی هەرێمی کوردستان لە لێدوانێکی تایبەت بۆ مەودا میدیا رایگەیاند "پارە‌ی نە‌ختینە‌ تە‌رخانكرا كە‌ سبە‌ینێ مووچە‌ی مامۆستایانی زانكۆ و وانە‌بێژی پێكە‌وە‌ دابە‌ش دە‌كرێت".

ئاماژەی بەوەشکرد "ھە‌وڵی جددی ھە‌یە‌ بۆ چارە‌سە‌ر كردنی كێشە‌ی نە‌بوونی سیولە‌ لە‌ بانكە‌كانی سلێمانی و كێشە‌كە‌ كە‌مبوونە‌وە‌ی سیولە‌یە، نە‌ك كە‌مبوونە‌وە‌ی داھات".

جەختیشیکردەوە "داھات و خە‌رجی لە‌ سلێمانی شە‌فافتر دە‌كرێت لە‌ڕێی سیستە‌مێكی ئە‌لكترۆنییە‌وە‌ بە‌شێوازێك كە‌ روون بێت داھاتی ھە‌ر دە‌زگایە‌كی حكومی لە‌ھە‌ر رۆژێكدا چە‌ندە‌ و خە‌رجییە‌كانیش چە‌ندە‌ و بۆچی خە‌رج دە‌كرێن".

ر. ئ