مه‌ودا میدیا- هێمن عوسمان

لیژنه‌كانى قایمقامییه‌تى سلێمانیی به‌رده‌وامن له‌كارو چالاكییه‌كانیان، به‌هۆى پابه‌ندنه‌بوون به‌مه‌رج و رێنماییه‌كانیش ئه‌مڕۆ دوو شه‌ممه‌ 25ى ته‌مموزى 2022 لیژنه‌ هاوبه‌شه‌كان هه‌ستان به‌ داخستنى دووشوێنى دیكه‌.

لیژنه‌ى رۆشنبیرى له‌ قایمقامییه‌تى سلێمانیی بڵاویكردووه‌ته‌وه‌، به‌هۆى پابه‌ند نه‌بوون به‌ مه‌رج و رێنماییه‌كانى كاركردن و دانانى كارمه‌ند له‌سه‌ر شه‌قام بۆ بانگكردنی هاوڵاتییان، كه‌ سه‌رپێچى یاسایه‌ و رێگه‌پێدراونییه‌، به‌ فه‌رمانیی قایمقامییه‌تى سلێمانیی هه‌ریه‌ك له‌ وێنه‌گرى هه‌ڵگورد و كۆمپیوته‌ر و فۆتۆكۆپى چه‌مى رێزان له‌ شه‌قامى گشتى جه‌وازات داخران.

باسی لەوەشکردووە، ئه‌وان به‌رده‌وام به‌دواداچوون بۆ شوێنه‌گشتیی و بازرگانییه‌كان ده‌كه‌ن و هه‌ر شوێنێك مه‌رجه‌كانى كاركردنى تێدا نه‌بێت، شوێنه‌كه‌ى داده‌خرێت و رووبه‌ڕووى یاسا ده‌كرێته‌وه‌.

ئاماژەی بەوەشکردووە، لێکۆڵینەوە لەگەڵ خاوەنی ئەو دوو شوێنەدەکرێت و سزای یاساییش دەدرێن.

ر. ئ