مه‌ودا میدیا- هێمن عوسمان

لیژنه‌ هاوبه‌شه‌كانى قایمقامییه‌تى سلێمانی چاودێرییه‌كانى له‌سه‌ر كوالێتى مریشكى زیندوو چڕترده‌كاته‌وه‌ تا به‌شێوه‌یه‌كى ته‌ندروست گه‌وره‌ بكرێن و بخرێنه‌ بازاڕه‌كانه‌وه‌.

خه‌لیل حه‌سه‌ن، سه‌رۆكى لیژنه‌ى په‌له‌وه‌ر له‌ لیژنه‌ هاوبه‌شه‌كانیی قایمقامییه‌تى سلێمانیی رایگەیاند "لیژنه‌یەک كە له‌ نوێنه‌رى سامانى ئاژه‌ڵ و ڤێتێرنه‌رى و ئاسایشى ئابوورى پێكهاتووه‌، هه‌موو كێڵگه‌ په‌له‌وه‌رییه‌كانى سنوورى پارێزگاى سلێمانی به‌سه‌رده‌كه‌نه‌وه‌".

ئاماژەی بەوەکرد "چاودێرى مریشكى هێلكه‌ و جوچك هه‌ڵهێنه‌ره‌كان و كارگه‌كانى عه‌له‌ف ده‌كه‌ن و له‌ كوالێتییه‌كه‌ى ده‌كۆڵنه‌وه‌، به‌ تایبه‌ت عه‌له‌ف پێش ئه‌وه‌ى ره‌وانه‌ى كێڵگه‌ په‌له‌وه‌رییه‌كان بكرێت له‌ تاقیگه‌ پشكنینى بۆ ده‌كرێت تا بزانن له‌ رووى كوالێتیه‌وه‌ كێشه‌ى نییه‌".

خه‌لیل حه‌سه‌ن باسى له‌وه‌شكرد "ئه‌و مریشكه‌ى له‌كێڵگه‌ په‌له‌وه‌رییه‌كانى سلێمانیی به‌رهه‌مدێن ته‌ندروسته‌ و هیچ كێشه‌یه‌كى نییه‌ كاتێك ده‌خرێنه‌ بازاڕه‌وه‌".

س.ر