مەودا میدیا-


فەرماندەی گشتیی هێزە چەکدارەکانی عیراق له‌ په‌یامێكدا داوای له‌ هێزه‌ ئه‌منییه‌كان كرد ئاسایشی خۆپیشانده‌ران بپارێزن.

لە پەیامێکدا مستەفا کازمی، سەرۆک وەزیرانی عیراق و فەرماندەی گشتیی هێزە چەکدارەکان رایگەیاند "ئاسایشی خۆپیشاندەران بپارێزن، داواشی لە خۆپیشاندەران کرد بەئارامی و هێمنی خۆپیشاندان بکەن".

هەر لە پەیامەکەیدا مستەفا کازمی رایگەیاندووە "داوا لە خۆپیشاندەران دەکەم هاوکاریی هێزە ئەمنییەکان بکەن، چونکە ئەوان بۆ پاراستنی خۆپیشاندەران و دامەزراوە فەرمییەکان لەوێن".

ئەوە لەکاتێکدایە ئەمڕۆ بە هەزاران لە لایەنگرانی موقتەدا سەدر، رێبەری رەوتی سەدر رژانە سەرشەقامەکانی بەغدا و دەیانەوێت بچەنە ناو ناوچەی سەوز، داوادەکەن لایەنەکانی چوارچێوەی هەماهەنگی دوربکەونەوە لە پێکهێنانی حکومەتی تەوافقی، هەروەها دژی کاندیدکردنی محەمەد شەیاع سودانین کە لەلایەن چوارچێوەی هەماهەنگییەوە بۆ پۆستی سەرۆک کۆمار کاندید کراون.

ر. ئ