مەودا میدیا-

لە نیۆرک بە چەقۆ هێرشکرایە سەر نووسەری بەریتانیی بە رەچەڵەک هیندی سەلمان روشدی، لە میانی بەشداریکردنی لە بۆنەیەکدا، تائێستا دیارنییە گیانی لەدەستداوە یاخود نا.

میدیا ئەمەریکییەکان بڵاویانکردەوە، سەلمان روشدی لەکاتێکدا وتاری پێشکەشکردووە لە میانی بەشداریکردنی لە بۆنەیەکدا لە شاری چوتاکۆ، کە دەکەوێتە ویلایەتی نیویۆرک، لەلایەن کەسێکەوە بە چەقۆ هێرش کراوەتەسەری.

بەپێی ئەو گرتە ڤیدیۆیەی بڵاوکراوەتەوە هێرشبەرەکە دەچێتە سەر شانۆ و لەبەرچاوی ئامادەبوواندا هێرشی کردووەتەسەر نووسەرە هیندییەکە.

ئێران لە ساڵی 1989 فەتوای حەڵاڵکردنی کوشتنی سەلمان روشدی دەرکردووە، ئەوەش دوای ئەوەی کتێبی (ئایەتە شەیتانییەکان)ی بڵاوکردەوە.

ر. ئ