مەودا میدیا- سازگار ئەحمەد

خەمۆکی یەکێکە لە نەخۆشییە دەروونییەکان کە دەبێتە هۆی بێزاری و نائومێدی بەردەوام لە ژیاندا کە وادەکات هیچ هەوڵێک لە ژیاندا نەدەیت و ژیان بەبێ بەهای سەیر بکەیت، نیشانەکانی خەمۆکی بریتین لە:

1 - کێشە دروست دەبێت لەکاتی تەرکیز و بیرهاتنەوەی شتەکان.

2- نەبوونی وزە و توانای لەش بۆ ئەنجامدانی چالاکییەکانی ژیان.

3- خۆ بەکەم بینین و بڕوا بە خۆنەبوون.

4- بێ هیوا بوونی هەمیشەی بەرانبەر بە ژیان.

5- هەندێکجار لە هەندێک مرۆڤدا دەبێتە هۆی بێ خەوی، لە هەندێک کەسی دیکەشدا دەبێتە هۆی زۆرخەوی.

6- بەهەمان شێوە یان دەبێتە هۆی زۆرخۆری یاخود نەمانی ئیشتیها هەمیشە هەست بە تووڕەبوون دەکات ئەو کەسەی کە تووشی خەمۆکی بووە.

7- سەرئێشەو گریان بەبێ هۆکار.

هۆکارەکانی خەمۆکی بریتین لە:

1- گوێزەرەوە دەمارییەکان کە پەیوەندی راستەوخۆیان لەگەڵ مێشکدا هەیە.

2- تێکچوونی هۆرمۆنەکان.

3- بۆماوەیی و هەبوونی نەخۆشی خەمۆکی لە باواندا.

4- رووداوە ناخۆشەکانی ژیان وەک، لەدەستدانی کەسی نزیک یاخود کێشەی دارایی و ئابووری خێزان.

هەروەها چارەسەرەکانی نەخۆشی خەمۆکی بریتین له:

1- سەردانکردنی پزیشک و وەرگرتنی دەرمانی گونجاو.

2- گفتوگۆکردن لەگەڵ توێژەری دەروونی و کەسانێک کە بتوانن لەو بارودۆخە رزگاریان بێت.

3- پاڵپشتی خێزان و هەبوونی کەسێک کە هەمیشە لەگەڵیا بێت و هەوڵی دڵخۆشکردنی بدات.

4- گوێگرتن لە دەنگێکی ئارامی شرووشت یاخود هەر دەنگێکی دیکەی هێورکەرەوە.

س.ر