مەودا میدیا- ژاڵە محەمەد

لەگەڵ هاتنی وەرزی پایز و سەرما، ناخۆشییەکانی پێست زیاتر دەبێت بە تایبەت کە لە پاییز کەشوهەوا وشک دەبێت و ئەوەش کاریگەری لە سەر روخسار و دەست و قاچەکان کە زیاتر بەدەرەوەن دروست دەکات، بۆئەوەی رووبەڕووی ئەو کێشە و گرفتانە نەبینەوە پێویستە پێست بەشێداری بهێڵینەوە تاوەکو بەردەوام خاوەن پێستێکی جوان و گەنج بین.

زۆرجار بۆ مانەوەی پێست بەشێداری پسپۆڕانی ناخۆشییەکانی پێست پێشنیازی بەکارهێنانی دەرمان و  کرێمی تایبەت بە شێدارکردنەوەی پێست دەدەن.

بۆ مانەوەی پێست بەشێداری، پێویستە ئەم کارانە بکرێت:

1- لەکاتی خۆشۆردن دووربکەوە لە بەکارهێنانی ئاوی گەرم، چونکە پێست ناسک و وشک دەکاتەوە، پێویستە ئاویی شلەتێن بەکاربهێنرێت.

2- رۆژانە بڕی ئاوی پێویست بخۆرەوە کە کەمتر نەبێت لە 8 پەرداخ.

3- دەتوانیت ماسکی شیر و ئاو بە پارچەیەک لۆکە بدەی لە روخسارت بۆ ماوەی 10 بۆ 15 خولەک و دواتر بیشۆ.

4- کرێمی شێدارکەرەوەی تایبەت بە روخسار و دەست و قاچ بەکاربهێنرێت.

5- بەکارهێنانی بەرهەمی جوانکاری سروشتی بێ مادەی کیمیایی.

س،ر