مه‌ودا میدیا-


بەپێی ئامارێكی بەشی كاروباری وزەی بەڕێوەبەرایەتی گشتی كارەبای سلێمانی بۆ ساڵی 2023 زیاتر لە 17 هەزار هاوبەشی نوێی كارەبا هاتووەتە سیستمەكەوەو كارەبای وەرگرتووە كه‌ زۆرترینیان هاوبه‌شی ماڵان بوون.

كاره‌باى سلێمانى بڵاویكرده‌وه‌ "كۆی گشتی هاوبەشانی كارەبا تاوەكو 31/12/2023 گەیشتووەتە 527 هه‌زار و 153 هاوبەش، لەكاتێكدا لە 31/12/2022 كۆی گشتی هاوبەشانی كارەبا 509 هه‌زار و 973 هاوبه‌ش بووە، واتە لەساڵی رابردوودا 17 هه‌زار و 180 هاوبەشی نوێ كارەبایان وەرگرتووە".

باس له‌وه‌شكراوه‌ "لەكۆی ئەو هاوبەشە نوێیانە 14 هه‌زار و 929 هاوبەشی ماڵان بووه‌، 2 هه‌زار و 426 هاوبەشی بازرگانی و 2 هه‌زار و 828 هاوبەشی كشتوكاڵی بوون".

ئه‌وه‌شخراوه‌ته‌ڕوو "بەپێی ئامارەكان ساڵی رابردوو هاوبەشی كشتوكاڵی زیاتر بووه‌ كه‌ ئەوەش مایەی دڵخۆشیە كە كەرتی كشتوكاڵی لەسلێمانی لەبەرەوپێشچوون و برەودایە".

ه،ع