مەودا میدیا-

بەڕێوەبەری گشتی تەندروستی پارێزگای سلێمانی ئاشكرای كرد، پێشنیارمان كردووە بۆ حكومەتی هەرێمی كوردستان تا 15ی نیسان دۆخەكە بەو شێوەیەی ئێستا بەردەوام بێت و كەرەنتینە هەبێت.

سەباح هەورامی، بەڕێوەبەری گشتی تەندروستی پارێزگای سلێمانی رایگەیاند "پێشنیارمان بۆ حكومەت كردوە تا رۆژی 15ی نیسان كەرەنتین و قەدەغەكردنی هاتوچۆ بەمشێوە چڕەی ئێستا بەردەوام بێت و رێگای هاتوچۆ بگیرێت".

ئاماژەی بەوەشكرد " بۆ دابەشكردنی موچەش ئەگەر حكومەت مەبەستی بێت لە رووی هونەرییەوە ئەركێكی قورس نییە و ئەگەر حکومەت داوا لە ئێمەبکات رێوشوێنی تەندروستیان دەدەینێ چۆن مووچە دابەش بکەن".