مه‌ودا میدیا-

وه‌زاره‌تى په‌روه‌رده‌ى حكومه‌تى هه‌رێمى كوردستان پلاتفۆرمى ئی كتێبخانه‌ ده‌خاته‌ بوارى جێبه‌جێكردن بۆ خزمه‌تى مامۆستایان و قوتابیان و خوێندكاران و پاره‌ ده‌داته‌ خوێنه‌رانى كتێب.

له‌ نوسراوێكى وه‌زاره‌تى په‌روه‌رده‌ى حكومه‌تى هه‌رێم هاتووه‌ "له‌ رۆژى 25ى ئه‌م مانگه‌وه‌ مامۆستایان و قوتابیان و خوێندكاران ده‌توانن له‌ رێگه‌ى سیستمى ئی په‌روه‌رده‌ به‌ كۆدى مامۆستایان و قوتابیان سود له‌و پلاتفۆرمه‌ وه‌ربگرن".

باس له‌وه‌شكراوه‌ "وه‌زاره‌ت ساڵانه‌ له‌سه‌ر سێ ئاست كار له‌سه‌ر پلاتفۆرمه‌كه‌ ده‌كات، ئه‌و مامۆستایه‌ى ساڵانه‌ له‌ رێگه‌ى ئه‌و پلاتفۆرمه‌وه‌ زۆرترین كتێب و توێژینه‌وه‌ى خوێندووه‌ته‌وه‌ به‌ ریزبه‌ندى، جیا له‌ رێز و سوپاس، پاداشتى پێنج ملیۆن دینارى پێده‌درێت، مامۆستاى ریزبه‌ندى دووه‌م چوار ملیۆن دینار و ریزبه‌ندى سێیه‌م سێ ملیۆن دینار".

هه‌روه‌ها "مامۆستاى هانده‌ر بۆ خوێندنه‌وه‌ى قوتابى و خوێندكار ئه‌وانیش به‌ هه‌مان شێوه‌ى ئاستى یه‌كه‌م به‌سێ ریزبه‌ندى پاداشت ده‌كرێن به‌ هه‌مان بڕى پاداشت".

ه،ع