مەودا میدیا- سازگار ئەحمەد

ئەمڕۆ لە گوندی کەلەکینی سەر بە ناحیەی خەلیفان شەڕ لە نێوان دوو برادا دروست دەبێت یەکێک لە براکان ئەوی دیکەیان بە فیشەک دەکوژێت.

کاروان کەریم خان، بەڕێوەبەری ناحیەی خەلیفان بە مەودا میدیای راگەیاند"کاتژمێرێک پێش ئێستا لەگوندی کەلەکینی سەر بەناحیەی خەلیفان بەهۆی کێشەیەکی کۆمەڵایەتییەوە شەڕ لە نێوان دووبرادا دروستبووە لە ئەنجامدا برایەك براکەی دیکەی خۆی بە چەكی جۆری دەمانچە دەکوژێت و کەسێکی دیکەش بریندار دەکات".

ئاماژەی بەوەشکرد "لە ئێستادا هێزەكانی پۆلیس و ئاسایش چوونەتە شوێنی رووداوەکە و سەرقاڵی لێكوڵینەوەن لە رووداوەكە".