مه‌ودا میدیا-

به‌بۆنەی ھاتنه‌وه‌ی جەژنی رەمەزان، مەکتەبی سیاسیی یەکێتیی نیشتمانیی کوردستان له‌  پەیامێکی پیرۆزباییدا رایده‌گه‌یه‌نێت، جەژنی ئەمساڵ ھاوکاتە لەگەڵ ئاسۆی باشبوونی گوزەران و بژێوی ھاوڵاتییان، کە داوا و پێداگری ھەمیشەیی یەکێتیی بوو.

دەقی پەیامەکە... 

بە بۆنەی ھاتنەوەی جەژنی رەمەزان، پیرۆزبایی گەرم لە موسڵمانانی کوردستان و عیراق و جیھان دەکەین.

ئومێد دەکەین خوای گەورە نزا و رۆژووی ھەموو لایەکی قبوڵ کردبێت، جەژنیش ببێتە فاکتەری زیاتری گەردەن ئازادیی و قوڵبوونەوەی گیانى برایەتی و پێکەوەژیان، کۆمەڵانی خەڵکی  کوردستان و تێکڕای عیراقیش رۆژانی جەژن بە ئارامی و خۆشییەوە  بەسەربەرن.

جەژنی ئەمساڵ ھاوکاتە لەگەڵ ئاسۆی باشبوونی گوزەران و بژێوی ھاوڵاتییان، کە داوا و پێداگری ھەمیشەیی یەکێتیی نیشتمانیی کوردستان بوو بەو ئومێدەی ببێتە جەژنی گەشانەوەی دیموکراسیی و ھەڵبژاردنیش لە ئایندەی نزیکدا ببێتە راستییەکی بەرجەستە بۆ گەلەکەمان کە شایستەی ھەموو خزمەت و گیانبازیەکە.

مەکتەبی سیاسیی
یەکێتیی نیشتمانیی کوردستان

پ ح ع