مه‌ودا میدیا-

کەشناسیی هه‌رێم پێبینییه‌كانى بۆ 48 كاتژمێرى داهاتوو بڵاوكرده‌وه‌ و رایده‌گه‌یه‌نێت، ئەمڕۆ ئاسمان ساماڵ و پەڵە هەور دەبێت بە گشتى و سبەینێ ئاسمان نیمچە هەور دەبێت، به‌ڵام لە بەشێک لە ناوچە شاخاوییە بەرزەکانى دهۆک ئەگەرى نمە باران هەیە.

بەڕێوەبەرایەتیی گشتیی کەشناسیی و بوومەلەرزەزانیی هه‌رێمى كوردستان له‌ راگه‌یه‌ندراوێكدا، ئاماژه‌ به‌وه‌ده‌كات، ئەمڕۆ یەک شەممە ئاسمان ساماڵ و پەڵە هەور دەبێت بە گشتى و پلەکانی گەرماش، بەراورد بە تۆمارکراوەکانی دوێنێ کەمێک بەرزدەبێتەوە.

راشیگه‌یاندووه‌، سبەینێ دووشەممە ئاسمان نیمچە هەور دەبێت به‌ڵام لەسەر بەشێک لە ناوچە شاخاوییە بەرزەکانى سنوورى پارێزگاى دهۆک ئەگەرى نمە بارانى کورت خایەن و هەورە تریشقە هەیە.

روونیشىكردووه‌ته‌وه‌، پلەکانی گەرماش، نزم دەبێتەوە بە نزیکەى (1-3) پلە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:
هەولێر: 25
سلێمانی: 24
دهۆک: 24
زاخۆ: 25
هەڵەبجە: 26
کەرکووک: 28
سۆران: 24
حاجی ئۆمەران: 14
گەرمیان: 30


پ ح ع