کوردستانی
پێدانى كاتژمێره‌كانى كاره‌با له دواى جه‌ژن كه‌م ده‌بێته‌وه؟
مەودا میدیا - سلێمانی |
مه‌ودا میدیا-
وه‌زاره‌تى كاره‌باى هه‌رێم ئاماژه‌ى به‌وه‌كرد، له رۆژانى جه‌ژن 18 بۆ 19 كاتژمێر كاره‌با له پارێزگاكانى هه‌رێمى كوردستان دراوه ، وته‌بێژى كاره‌باى سلێمانیش رایده‌گه‌یه‌نێت، له دواى جه‌ژنیش پێدانى كاتژمێره‌كانى كاره‌با به هاوڵاتییان كه‌م ناكات.
وه‌زاره‌تى كاره‌باى هه‌رێم خشته‌ى پێدانى كاتژمێره‌كانى كاره‌باى له رۆژانى جه‌ژن بۆ سه‌رجه‌م پارێزگان بڵاوكرده‌وه و رایگه‌یاند، 18 بۆ 19 كاتژمێر كاره‌با دراوه به هاوڵاتییان، گومان ده‌كرێت پێدانى كاره‌با به‌و شێوه‌یه به‌رده‌وام نه‌بێت و رۆژانى دواى جه‌ژن كه‌متر ببێته‌وه.
له‌وباره‌یه‌وه، سیروان محه‌مه‌د، وته‌بێژى كاره‌باى سلێمانى بۆ مه‌ودا میدیا رایگه‌یاند، كه‌م و زیاد پێدانى كاتژمێره‌كانى كاره‌با په‌یوه‌سته به خواستى هاوڵاتییان له‌سه‌ر كاره‌با و كه‌شوهه‌واوه، تاوه‌كو كه‌شوهه‌وا باش و گونجاو بێت، خواست له‌سه‌ر كاره‌با كه‌م ده‌بێت، به‌وه‌ش كاره‌با زیاتر ده‌درێت.
وتیشى، له ئێستادا پێشبینیی ده‌كه‌ین تاوه‌كو ناوه‌ڕاستى مانگى پێنج به‌م شێوه‌یه كاره‌با زۆر بدرێت، چونكه كه‌شوهه‌وا باشه و خواست له‌سه‌ر كاره‌با كه‌متره، به‌ڵام بكه‌وینه وه‌رزى گه‌رما و به‌كارهێنانى ئامێره فێنكه‌ره‌وه‌كان و به‌كارهێنانى سبلیت، كاره‌با كه‌متر ده‌بێته‌وه.
ئاماژه‌ى به‌وه‌شكرد، له دواى جه‌ژنیش ئه‌گه‌ر پێدانى كاره‌با كه‌میش ببێته‌وه به‌و راده‌یه نییه و زۆر كه‌م نابێته‌وه.
پ ح ع
بیروڕا
