مه‌ودا میدیا-

به‌رپرسێكى كوردى سوریا رایگه‌یاند، لابردنى گه‌مارۆكان له‌ لایه‌ن ئه‌مه‌ریكا له‌سه‌ر كوردانى سوریا ته‌نها درۆبوو.

به‌رپرسێكى باڵاى كوردى سوریا كه‌ نه‌یویستووه‌ ناوى ئاشكرابێت رایگه‌یاند " ئەمه‌ریکا لە ساڵی 2022 به‌ڵێنیدا کە رۆژئاواى كوردستان لە گەمارۆیانە رزگاریان ده‌بێت، بەڵام ئەو بڕیارەی ئەمه‌ریکا بەس ڕواڵەتی و بانگەشەیی بوو".

باسى له‌وه‌شكردووه‌ " هیچ کردنەوەیەکی ئابووری لە ژیانی خەڵک نابینرێت و هیچ رووداوێکی ئەوتۆ رووی نەداوە، ئه‌وه‌شى ئه‌مه‌ریكا ده‌یوت هیچ به‌و جۆره‌ نه‌بوو".

 وتیشی" هەم ئەمه‌ریکا و هەم تورکیا تاوانبارن کە گەمارۆی ئابووری خراوه‌ته‌ سه‌ر رۆژئاواى كوردستان و كاریگه‌رى خراپى له‌سه‌ر ژیانى هاوڵاتییان دروستكردووه‌".

ع،ه