مه‌ودا میدیا-

كەشناسیی هەرێم، پێشبینییەكانی كەشوهەوای بۆ ئه‌مڕۆ و سبه‌ینێ بڵاوكرده‌وه‌ و ئاماژه‌ى به‌وه‌كردووه‌، ئاسمان ساماڵ و پەڵە هەور دەبێت، هه‌روه‌ها سبه‌ینێ ئێوارەكه‌ى دەگۆڕێت بۆ نیمچە هەور و ئەگەرى نمە باران هەیە. 

بەڕێوەبەرایەتیی گشتیی كەشناسیی و بوومەلەرزەزانیی هەرێمی كوردستان، له‌ راگه‌یه‌ندراوێكدا رایگه‌یاندووه‌ "بۆ ئەمڕۆ یەکشەممە، ئاسمان ساماڵ و پەڵە هەور دەبێت، پلەکانی گەرما لە هەندێک ناوچە کەمێک نزم دەبێتەوە بەراورد بە تۆمارکراوەکانی دوێنێ".

سه‌باره‌ت به‌ سبەینێ دووشەممەش ئه‌وه‌ى خستووه‌ته‌ڕوو "ئاسمان ساماڵ و پەڵە هەور دەبێت، لە ئێوارە دەگۆڕێت بۆ نیمچە هەور، لە کاتەکانى شەو درەنگ ئەگەرى نمە باران هەیە لە هەندێک ناوچە شاخاوییە سنوورییەکان".

راشیگه‌یاندووه‌ "پلەکانی گەرما کەمێک بەرز دەبێتەوە بەراورد بە تۆمارکراوەکانی ئەمرۆ".

بەرزترین پلەکانی گەرمای پێشبینیکراو بە پلەی سیلیزی:

هەولێر: 35

سلێمانی: 34

دهۆک: 35

زاخۆ: 36

هەڵەبجە: 35

کەرکوک: 39

سۆران: 33

حاجی ئۆمەران: 22

گەرمیان: 40

پ ح ع