مه‌ودا میدیا-

به‌ڕێوه‌به‌رى به‌نداوى ده‌ربه‌ندیخان رایده‌گه‌یه‌نێت " به‌نداوه‌كه‌ ته‌نها 15 سانتیمه‌ترى ماوه‌ بۆ سه‌رڕێژبوون و له‌ چه‌ند رۆژى داهاتوودا سه‌رڕێژ ده‌بێت، ئه‌وه‌ش سوودێكى زۆرى هه‌یه‌ له‌ بووژانه‌وه‌ى كه‌رته‌كانى كاره‌با و كشتوكاڵ و سامانى ماسى و ئاوى خواردنه‌وه‌ش".

سامان ئیسماعیل، به‌ڕێوه‌به‌رى به‌نداوى ده‌ربه‌ندیخان بۆ مه‌ودا میدیا رایگه‌یاند "له‌ ئێستادا به‌نداوه‌كه‌ ته‌نها 15 سانتیمه‌ترى ماوه‌ بۆ سه‌رڕێژبوون و له‌ چه‌ند رۆژى داهاتوودا سه‌رڕێژ ده‌بێت".

له‌باره‌ى سوودى سه‌رڕێژبوونى به‌نداوه‌كه‌ش ئاماژه‌ى به‌وه‌كرد "هه‌ر یه‌كه‌ له‌ كه‌رتى كشتوكاڵ و سامانى ماسى زیاتر ده‌بوژێته‌وه‌ و به‌هۆى زیادبوونى ئاوه‌كه‌شه‌وه‌ ئاوى خواردنه‌وه‌ پاكده‌بێته‌وه‌".

روونیشیكرده‌وه‌ "یه‌كێكى تر له‌ سووده‌كانى به‌نداوه‌كه‌ و پڕبوونى بۆ به‌رهه‌مهێنانى زیاترى كاره‌بایه‌، هه‌روه‌ها كاریگه‌ریشى له‌سه‌ر گه‌شتوگوزاری ناوچه‌كه‌ش هه‌یه‌".

بەنداوی دەربەندیخان لە ساڵی 1961 لەلایەن كۆمپانیایەكی ‏ئەمریكییەوە دروستكراوه‌ و دووەم گەورەترین بەنداوه‌ له‌ هەرێمی کوردستان، كه‌ توانای گلدانەوەی سێ ملیار مەتر سێجا ئاوی هەیە.

پ ح ع