مه‌ودا میدیا-

ئه‌ندامێكى سه‌ركردایه‌تى یه‌كێتیی نیشتمانیی كوردستان رایده‌گه‌یه‌نێت، حزبه‌كه‌ى به‌هیچ شێوه‌یه‌ك رازى نابێت به‌ دواخستنى هه‌ڵبژاردنى په‌رله‌مانى كوردستان.

ئه‌ندامێكى سه‌ركردایه‌تى یه‌كێتى كه‌ نه‌یویست ناوى ئاشكرا بكرێت به‌ مه‌ودا میدیاى راگه‌یاند "یه‌كێتى به‌رده‌وام جه‌خت له‌ئه‌نجامدانى هه‌ڵبژاردنى په‌رله‌مانى كوردستان ده‌كاته‌وه‌ له‌و واده‌یه‌ى كه‌ كۆمسیۆنى عیراق دیاریكردووه‌".

باسى له‌وه‌شكرد "هیچ پێشنیارێك بۆ دواخستنى هه‌ڵبژاردن قه‌بوڵ ناكه‌ین و یه‌كێتیش به‌شدار نییه‌ له‌ هیچ هه‌وڵێكى له‌و جۆره‌یه‌ بۆ دواخستنى هه‌ڵبژاردن".

وتیشى "له‌دوایین كۆبوونه‌وه‌ى سه‌ركردایه‌تى یه‌كێتى به‌راشكاویی باسمان له‌وه‌كرد ده‌بێت هه‌ڵبژاردن له‌ واده‌ى خۆى ئه‌نجامبدرێت".

ع،ه