مه‌ودا میدیا-

ئێواره‌ى ئه‌مڕۆ دووشه‌ممه‌، به‌هۆى رووداوێكى هاتوچۆ له‌ گه‌رمیان سێ كه‌س گیانیان له‌ ده‌ستدا.

به‌ڕێوه‌به‌رایه‌تى هاتوچۆى گه‌رمیان بڵاویكرده‌وه‌ " ئەمڕۆ دووشەممە بەهۆی پێکدادانی دوو ئۆتۆمبێلی جۆری نیسان ئاڵتیما و مان بارهەڵگر لەسەر رێگاى کەلار - مەرزی پەروێزخان لە نزیک ناحیەی قۆرەتوو سێ کەس گیانیان لەدەستدا و کەسێکیش برینداربوو".

باس له‌وه‌شكراوه‌ " ئەو کەسانەی گیانیان لەدەستداوە سەرنشینی ئاڵتیماکەن و بریندارەکەش گەیەنراونەتە نەخۆشخانە و لێکۆڵینەوە لەلایەن تیمی هاتوچۆوە دەستی پێکردووە، بەمەبەستی زانینی هۆکار و چۆنیەتی رووداوەکە".

ئه‌وه‌ش له‌كاتێكدایه‌ هه‌ینى رابردوو چه‌ند رووداوێكى هاتوچۆ له‌ سنورى دووكان و ده‌ربه‌ندیخان روویانداو و ژماره‌یه‌ك هاوڵاتیی گیانیان له‌ده‌ستداو و ژماره‌یه‌ك برینداربوون.

ع،ه