مه‌ودا میدیا-

ئێستا مه‌كته‌بی سیاسیی یه‌كێتى له‌ كۆبوونه‌وه‌دایه‌ و هه‌ڵوێستى ره‌سمى خۆى له‌ باره‌ى دواخستنى هه‌ڵبژاردن ده‌خاته‌ڕوو، لێپرسراوی بۆردی راگەیاندنی حزبه‌كه‌ش ده‌ڵێت " یه‌كێتى هه‌ڵوێستى  نه‌گۆڕه‌ و هه‌ڵوێستى رۆشنى ده‌بێت له‌ هه‌مبه‌ر هه‌ر هه‌وڵێك بۆ دواخستنى له‌ واده‌ى دیاریكراودا".

له‌تیف نێروه‌یی، لێپرسراوی بۆردی راگەیاندنی یەکێتیی نیشتمانیی کوردستان بۆ مه‌ودا میدیا رایگه‌یاند "ئێستا مه‌كته‌بی سیاسیی یه‌كێتى له‌ كۆبوونه‌وه‌دایه‌ و له‌ دواى كۆبوونه‌وه‌كه‌، په‌یامى ره‌سمى حزبه‌كه‌یان بڵاو ده‌بێته‌وه‌ كه‌ ئه‌وه‌ش ده‌بێته‌ هه‌ڵوێستى ره‌سمى یه‌كێتى".

وتیشى "هه‌رچه‌نده‌ هه‌ڵوێستى یه‌كێتى نه‌گۆڕه‌ و هه‌مان هه‌ڵوێستى پێشووه‌".

له‌باره‌ى ئه‌و زانیارییانه‌ى باس له‌وه‌ ده‌كه‌ن، هه‌فته‌ى داهاتوو سه‌رۆكایه‌تیى هه‌رێمى كوردستان، مه‌رسومێك ده‌رده‌كات بۆ دواخستنى واده‌ى هه‌ڵبژاردن له‌ 10-6 بۆ نیوه‌ى دووه‌مى مانگى 10، له‌تیف نێروه‌یی، ئاشكرایكرد "یه‌كێتى هه‌ڵوێستى رۆشنى ده‌بێت له‌ هه‌مبه‌ر هه‌ر هه‌وڵێك بۆ دواخستنى هه‌ڵبژاردن له‌ واده‌ى دیاریكراوى خۆیدا".

پ ح ع