مه‌ودا میدیا-

بەپێی ئه‌و پێشبینییانه‌ى كەشناسیی هه‌رێم بڵاویكردووه‌ته‌وه‌، شەپۆلی بارانی بەلێزمە و هەورەبروسكە لە زۆربەی ناوچەكانی هەرێمی كوردستان تا رۆژی هەینی بەردەوام دەبێت".

لە راگەیەندراوێكدا، بەڕێوەبەرایەتیی كەشناسیی و بومەلەرزەزانیی هەرێمى كوردستان  رایگه‌یاندووه‌ "كاریگەریی ئەو شەپۆلە بارانبارینەی رووی لەناوچە جیاوازەكانی هەرێمی كوردستان كردووە تا رۆژی هەینی بەردەوام دەبێت".

ئه‌وه‌شى خستووه‌ته‌ڕوو "رۆژی هەینی ئاسمان هەوری تەواو دەبێت و بارینی بەلێزمە و بروسكەی ناوبەناو لە هەرێمی كوردستان بەردەوام دەبێت و پلەی گەرماش دوو بۆ چوار پلە نزمدەبێتەوە".

روونیشیكردووه‌ته‌وه‌ "بەرزترین پلەكانی گەرمای پێشبینیكراو بۆ رۆژی هەینی  لە هەولێر و كەركوك و زاخۆ 21 پلە سیلیزی و سلێمانی و دهۆك و سۆرانیش 20 پلە و هەڵەبجە 19 پلە و حاجی ئۆمەران 16 پلە و گەرمیان 24 پلەی سیلیزی دەبێت".

پ ح ع