مه‌ودا میدیا-

سەرۆک وەزیرانى عیراق پشتیوانى خۆى بۆ ئەنجامدانى هەڵبژاردنى پەرلەمانى کوردستان ده‌رده‌بڕێت و پێشوازى لە بڕیاره‌كه‌ى سەرۆکایەتیى هەرێم ده‌كات له‌ سه‌ر دیاریکردنى وادەى ئەنجامدانى هەڵبژاردن".

باسم عەوادى، وتەبێژى حکومەتى عیراق ئاشكرایكرد "محەمەد شیاع سودانى، سەرۆک وەزیرانى عیراق پشتیوانی خۆى ده‌رده‌بڕێت بۆ ئەنجامدانى هەڵبژاردنى پەرلەمانى کوردستان و  پێشوازی لە بڕیارەکەى ئەمڕۆى سەرۆکایەتیى هەرێمى کوردستان دەکات سه‌باره‌ت به‌ دیاریکردنى وادەى هەڵبژاردن".

راشگه‌یاند "حکومەتى عیراق بەتەواوى پشتوانیى سەرخستنى پرۆسەی هه‌ڵبژاردن دەکات".

ئەمڕۆ چوارشەممە، سەرۆکایەتیى هەرێمى کوردستان رۆژى 20ى ئۆكتۆبه‌رى ئه‌مساڵى بۆ بەڕێوەچوونى هەڵبژاردنى پەرلەمانى کوردسان دیاریکرد.

پ ح ع