مه‌ودا میدیا-

وه‌زاره‌تى ته‌ندروستى له‌ بڕیاریدا، كارێكى له‌ پزیشكانى ئێشكگر قه‌ده‌غه‌كرد كه‌ له‌ كاتى ده‌وامى فه‌رمى و حكومى ده‌یانكرد.

له‌ راگه‌یه‌ندراوێكى وه‌زاره‌تى ته‌ندروستى حكومه‌تى هه‌رێمى كوردستان هاتووه‌ "بەهیچ شێوەیەک نابێت پزیشکی ئێشکگر لەڕۆژانی ئێشکگریدا لەنەخۆشخانەی تایبەت و سەنتەرو نۆرینگەی تایبەت دەوام بکات".

باس له‌وه‌شكراوه‌ "دەبێت تەواوی کاتی ئێشکگری لەناو نەخۆشخانەی حکومی بمێنێتەوە، پزیشکی ئێشکگر نابێت لەڕۆژی ئێشکگرتنیدا بەشێوەی پەیوەندی( on call  ) بێت و لەکاتی هەبوونی دۆخێکی لەناکاو پەیوەندی پێوە بکرێت، بەڵکو دەبێت بەردەوام لە نەخۆشخانە و بەشەکەی بێت".

هه‌روه‌ها "بەکارهێنانی ئامرازەکانی وێنە و ڤیدیۆی نەخۆش و راوێژکردن بە موبایل و واتسئەپ و ڤایبەر و هەر ئامرازێکی دیکە قەدەغەیە و پێویستە نەخۆش راستەوخۆ پشکنین و چارەسەر بکرێت و پزیشک ئامادەبێت".

ع