مه‌ودا میدیا-

بریكارى وه‌زاره‌تى ئاوه‌دانكردنه‌وه‌ و نیشته‌جێبوونى حكومه‌تى هه‌رێمى كوردستان رایده‌گه‌یه‌نێت، ئه‌مساڵ 15 پرۆژه‌ى رێگاوبان ئه‌نجامدراوه‌ 11 پرۆژه‌ى له‌ سنورى سلێمانى بووه‌.

ئاگرین عه‌بدوڵا، بریكارى وه‌زاره‌تى ئاوه‌دانكردنه‌وه‌ و نیشته‌جێبوون به‌ مه‌ودا میدیاى راگه‌یاند "ئه‌مساڵ له‌ هه‌رێمى كوردستان 15 پرۆژه‌ى رێگاوبان ئه‌نجامدراوه‌، كه‌ خۆى له‌ قیركردن و چاككردنى رێگاكان ده‌بینێته‌وه‌".

باسى له‌وه‌شكرد "له‌ كۆى ئه‌و پرۆژانه‌ 11 پرۆژه‌ى له‌ سنورى سلێمانى و گه‌رمیان بووه‌، له‌سه‌ر بودجه‌ى وه‌به‌رهێنان و بودجه‌ى ئاسایی".

ئه‌وه‌شى خسته‌ڕوو "بودجه‌ى ئه‌و پرۆژانه‌ زیاتر له‌ 4 ملیار و 200 ملیۆن دینار بووه‌ و چه‌ندین پرۆژه‌ى تریش كاریان تێداده‌كرێت".