مه‌ودا میدیا-

سه‌باره‌ت به‌ بڕی پاداشتى كارمەندانی سەر سندووقەكانی دەنگدان بۆ هه‌ڵبژاردنى ئه‌م خوله‌ى په‌رله‌مانى كوردستان، كۆمسیۆنی عیراق، رایگه‌یاند "بڕه‌كه‌ بۆ هه‌ر كارمه‌ندێك له‌ نێوان 150 بۆ 250 هه‌زار دینار ده‌بێت".

ئەنجومەنی كۆمسیاران لە كۆمسیۆنی باڵای سه‌ربه‌خۆى هەڵبژاردنەكانى عیراق بڵاویكرده‌وه‌ "پاداشتی فەرمانبەرانی دامەزراوی سەر سندووقەكانی دەنگدان 150 هەزار دینارە و پاداشتی دەرچووانی دانەمەزراویش 250 هەزار دینارە".

هەفتەی راِبردوویش كۆمسیۆن بۆ هه‌ڵبژاردنى ناوی كارمەندانی سەر سندووقەكانی دەنگدانى هەرێمى كوردستان تیروپشكی  ئه‌نجامدا و 42 هەزار و 370 كارمەندى هه‌ڵبژارد بۆ هەر چوار پارێزگاكە.

پ ح ع