مەودا میدیا-

بەڕێوەبەری گشتی کارەبای پارؽزگای هه‌ڵه‌بجه‌ رایده‌گه‌یه‌نێت، داهاتى كاره‌باى سنوره‌كه‌ زۆر كه‌مه‌ و ئه‌و بودجه‌یه‌ش بۆمان خه‌رجده‌كرێت به‌شى شتێكى گرنگ ناكات.

سەعید سەیدقادر، بەڕێوەبەری گشتی کارەبای پارؽزگای هه‌ڵه‌بجه‌ به‌ مه‌ودا میدیاى راگه‌یاند "داهاتى سنورى به‌ڕێوه‌به‌رایه‌تى گشتى كاره‌باى هه‌ڵه‌بجه‌ زۆر كه‌مه‌، له‌ سنوره‌كه‌ هاوبه‌شێكى له‌و جۆره‌ نییه‌ كه‌ وابكات داهاتمان زۆربێت".

وتیشى "داهاتى ساڵى 2023 سێ ملیار و 582 ملیۆن دینار بووه‌، داهاتى شه‌ش مانگى ئه‌مساڵ یه‌ك ملیار و 409 ملیۆن دینار بووه‌".

ئه‌وه‌شى خسته‌ڕوو "ئه‌و بودجه‌یه‌ى بۆمان خه‌رجده‌كرێت بۆ به‌ڕێوه‌به‌رایه‌تى مانگانه‌ 25 ملیۆن دیناره‌، جارى وا هه‌یه‌ 12 ملیۆن و 500 هه‌زارمان بۆ خه‌رجده‌كرێت ئه‌مه‌ جگه‌ له‌وه‌ى دواده‌كه‌وێت".

ع