مەودا میدیا-
بەیانی ئەمڕۆ دوای كردنەوەی بازاڕەكان نرخی نەوت جارێكیتر بەرزبووەوە و هۆكارەكەشی بۆ تەشەنەكردنی گرژییەكانی نێوان ئیسرائیل و لوبنان و ئەگەری كەمكردنەوەی سوودی بانكی لەلایەن بانكی ناوەندیی ئەمریكاوە، دەگەڕێتەوە.

بەیانی ئەمڕۆ دووشەممە، نرخی یەك بەرمیل نەوتی برێنتی دەریای باكوور گەیشتە 79 دۆلار و 39 سەنت و نرخی نەوتی سووكی تەكساسی ئەمریكاش بەرزبووەوە بۆ 75 دۆلار و 15 سەنت.
 
 بەپێی وتەی شارەزایان، گرژییەكانی رۆژهەڵاتی ناوەڕاست و بەشێكی ئەەوروپا هۆكاری سەرەكین بۆ بەرزبوونەوەی نرخی نەوت و ئەگەریش دۆخەكە بەم شێوەیە بەردەوام بێت ئەوا نرخی بەرمیلێك نەوت دەگاتە 80 دۆلار.  

ئاماژەیان بۆ ئەوەشكردووە "لێدوانی بەرپرسانی بانكی ناوەندیی ئەمریكا لەبارەی كەمكردنەوەی سوودی بانكی، یەكێكیترە لە هۆكارەكانی بەرزبوونەوەی نرخی نەوت لە بازاڕەكانی جیهاندا. 
ئ پ