مه‌ودا میدیا-

ئێواره‌ى ئه‌مڕۆ سێشه‌ممه‌، نرخى دۆلار به‌رانبه‌ر به‌ دینارى عیراقى دابه‌زینى تۆماركرد و پێشبینى ده‌كرێت زیاتریش دابه‌زێت.

ئیبراهیم غه‌فور، خاوه‌نى نوسینگه‌ى ئاڵوگۆڕى دراو له‌ سلێمانى به‌ مه‌ودا میدیاى راگه‌یاند "ماوه‌ى چه‌ند رۆژێكه‌ نرخى دۆلار داده‌به‌زێت به‌ڵام به‌شێوه‌یه‌كى له‌سه‌ر خۆ".

وتیشى "ئه‌م ئێواره‌یه‌ 100 دۆلار بۆ 148 هه‌زار و 700 دینار دابه‌زینى تۆماركرد".

پێشتر مه‌زهه‌ر محه‌مه‌د، راوێژكارى ئابوورى سه‌رۆكى حكومه‌تى عیراق به‌ مه‌ودا میدیاى راگه‌یاند "كۆتایی ئه‌م مانگه‌ كۆبوونه‌وه‌یه‌كى گرنگ له‌نێوان وه‌زاره‌تى خه‌زێنه‌ى ئه‌مه‌ریكا و پارێزگارى بانكى ناوه‌ندى عیراق عه‌لى عه‌لاق به‌ڕێوه‌ده‌چێت و چاوه‌ڕێى هه‌رزانبوونى دۆلار ده‌كرێت".