مه‌ودا میدیا-

ئه‌ندامێكى په‌رله‌مانى عیراق رایده‌گه‌یه‌نێت، كێشه‌ى مووچه‌ى هێزه‌ ئه‌منییه‌كان چاره‌سه‌ركراوه‌ و دوو مووچه‌یان بۆ خه‌رجده‌كرێت.

سه‌گڤان سندى، ئه‌ندامى په‌رله‌مانى عیراق له‌ فراكسیۆنى پارتى دیموكراتى كوردستان به‌ مه‌ودا میدیاى راگه‌یاند "كێشه‌ى مووچه‌ى هێزه‌ ئه‌منییه‌كان چاره‌سه‌ركراوه‌ و دوو مووچه‌یان به‌سه‌ریه‌كه‌وه‌ بۆ خه‌رجده‌كرێت".

وتیشى "بابه‌تى وردبینى و هه‌ندێك ورده‌كاریی ماوه‌ و مووچه‌ى مانگى حه‌وت و هه‌شتیان بۆ ره‌وانه‌ ده‌كرێت".

ماوه‌ى دوو مانگه‌ له‌ هه‌رێمى كوردستان مووچه‌ دابه‌شنه‌كراوه‌ و فه‌رمانبه‌رانى مه‌ده‌نى و سه‌ربازیی مووچه‌ى مانگى حه‌وت و هه‌شتیان وه‌رنه‌گرتووه‌.