مه‌ودا میدیا-

سه‌رۆكى حكومه‌تى هه‌رێمى كوردستان واژۆی له‌ سه‌ر بڕیاری دامەزراندنی مامۆستایانی وانەبێژ كرد و سەرۆکی دیوانی وەزارەتی خوێندنی باڵا و توێژینەوەی زانستیش پشتڕاستى ده‌كاته‌وه‌.

ئەمڕۆ چوارشەممە 28ى ئابى 2021، سه‌رۆكى حكومه‌تى هه‌رێمى كوردستان واژۆی له‌ سه‌ر نووسراوی فەرمیی بۆ دامەزراندنی مامۆستایانى وانەبێژی قوتابخانە و زانکۆ و پەیمانگەکان بە شێوه‌ى گرێبەست كرد و نووسراوه‌كه‌ش ئاڕاستەی وەزارەتەکانی پەروەردە و خوێندنی باڵا کراوە.

د.توانا نەجەف، سەرۆکی دیوانی وەزارەتی خوێندنی باڵا و توێژینەوەی زانستی حكومه‌تى هه‌رێمى كوردستان رایگه‌یاند "ئه‌مڕۆ مه‌سرور بارزانى، سه‌رۆكى حكومه‌تى هه‌رێمى كوردستان واژۆى له‌ سه‌ر  بڕیاری دامەزراندنی مامۆستایانی وانەبێژ كرد".

وتیشى "مووچەی مامۆستایانى وانەبێژی زانکۆ و پەیمانگەکان لە 500  هەزار دیناره‌وه‌ بۆ یه‌ك ملیۆن و 200 هەزار دینار دەبێت".

هاوكات، مووچەی مامۆستایانی وانەبێژی قوتابخانەکان به‌ بڕوانامەی بەکالۆریۆس 500  هەزار دیناره‌ و به‌ بڕوانامەی دیبلۆم 400 هەزاره‌.


پ ح ع